Хуурамч шатахууны асуудал өчигдөр Төрийн ордонд яригдав. Эдийн засгийн байнгийн хорооны хурал дээр АМГТГ ын дарга Б.Хэрлэн дотоодод хуурамч шатахуун үйлдвэрлэж байгаа эсэх асуудлаар тусгай ажлын хэсэг байгуулан ажилласан. Энд хоёр асуудал яригддаг. Хилийн гадна боловсруулсан хуурамч шатахуун орж ирдэг гэсэн яриа бий. Шалгалтаар ийм төрлийн зөрчил илрээгүй. Харин дагалдах бүтээгдхүүнийг энд оруулж ирээд, энд холилт хийх замаар шатахуун хийсэн асуудал гарсан. Дээж авч шинжлэхэд стандартын бус байдал илэрсэн нь үнэн. Бид ажлын хэсгийн дүгнэлтээ УУХҮЯ нд хүргүүлсэн” гэсэн юм.

Олны үг ортой гэж хуурамч шатахуун хуурамч шатахуун манай зах зээлд эргэлдэж байгаа нь ийнхүү хүний үгээр баталгаажлаа. Энэ асуудал нэлээд яригддаг байсан ч “барьж авч” чаддаггүй байлаа.

Керосин 74800 тонн, хийн конденсатын нэхмэл 9003 тонн, дистиллят 11048 тонн оруулж ирсэн байна. Дээрхи материалаар хуурамч шатахуун үйлдвэрлэж байна гэсэн хардлага бий

Өндөр татвартай автобензин ирэхийн оронд татваргүй нэмэлт бүтээгдэхүүнээр шатахуун найруулах нэрэх нь компаниудад ашиг орлоготой бизнес болчихоод байгаа тухай өмнө нь нэг бус удаа ярьж байсан. Харин энэ удаа албаныхан шалгалтаар илрүүлээд холбогдох дүгнэлтээ хүргүүлсэн гэлээ.

Шатах тос тосолгооны материал буюу засварын бүтээгдэхүүн Монгол Улсын хилээр татваргүй орж ирдэг. Өнгөрсөн оны статистик дүнг харахад керосин 74800 тонн, хийн конденсатын нэхмэл 9003 тонн, дистиллят 11048 тонн оруулж ирсэн байна. Энэ түүхий эдийг хаана ямар зорилгоор ашиглаж байгаа нь тодорхойгүй юм. Эдгээр бүтээгдэхүүнийг зэс угааж, боловсруулахад ашигладаг ч хувь хэмжээ нь өчүүхэн бага гэдгийг албаныхан хэлж байна.

Тэгвэл дээрхи материалаар хуурамч шатахуун үйлдвэрлэж байна гэсэн хардлага бий. Энэ бараг батлагдчихлаа. Энэхүү хуурамч шатахууныг хэрэглэгчид авч, машин нь эвдрэл гэмтэлтэй болж өнөөг хүрсэн нь ойлгомжтой байна.

Өмнө нь Монголын шатахуун хэрэглэгчдийн холбооноос хэвлэлийн хурал хийж, Монгол уулсын зах зээлд хуурамч шатахуун худалдаалах болсон талаар мэдээллэж байв. Тэд нийслэлийн Багахангай дүүрэгт байрладаг “Трафигура” компани хуурамч  шатахуун  үйлдвэрлэж  байгааг зарлаж байсан. Гэсэн ч МХЕГ-аас энэ мэдээллийг үгүйсгэсэн байдаг. АМГТГ-аас одоогоор ямар компани шатахуун хуурамчаар үйлдвэрлэж борлуулж байсныг зарлаагүй ч удахгүй энэ асуудал шийдэлд хүрнэ гэдэгт найдаж байна.

---