УИХ-ын гишүүн Г.Дамдинням Байгаль орчин хүнс хөдөө аж ахуйн байнгын хорооны хуралдаанд дараах байр суурийг илэрхийлэв.

УИХ-ын гишүүн Г.Дамдинням:

-Газар тариалангийн салбарын талаар авах зарим арга хэмжээний тухай” тогтоолын төслийн төсөлд 2 асуудал оруулах саналтай байна.

Нэгдүгээрт,Засгийн газар маш яаралтай тариаланчдад ирэх намар будаа, ургацыг нь хэдэн төгрөгөөр авах үнээ зарлах хэрэгтэй байна. Манай улсад 30 мянган тариаланч байгаа. Үүнийг БОХХАА-н байнгын хорооны энэ тогтоолд шууд тусгаж өгье. Үгүй бол тариаланчид энэ хавар юу тариалахаа шийдэж чадахгүй байдалд хэцүү байдалд ороод байна.

Хоёрдугаарт, Тогтоолын төслийн тавдугаар зүйлд оруулсан зүйл нэг зүйл нэмж хэлэхийг хүсэж байна. Хэдэн ногоочдын маань тарьсан ногоо нодлин үерт өртсөн. Ингээд гамшиг гээд тогтоогоод нөхөн төлбөр авах гэхээр өгдөггүй. Даатгалд хамрагдаж чаддаггүй. Ямар ч хамгаалалтгүй бор зүрхээрээ амьдарч байна.

Засгийн газар “Тариалангийн даатгалын тухай” хууль, “Гамшгийн тухай” хуульд холбогдох өөрчлөлт оруулах төсөл УИХ-д оруулж ирэхдээ ногоочдыг нэмж оруулах хэрэгтэй байна. Үгүй бол даатгалгүй, банкны зээлгүй, гамшгийн хуульд оруулдаггүй хэдэн ногоочид жил дараалан үер, усны гамшигт тарьсан ургацаа алдсаар байна.

Ямар ч хамгаалалт, дэмжлэггүй ногоочдоо орхиод "Хүнсний хувьсгал" ярьж дотоодоосоо төмс, хүнсний ногоогоор хангах зорилт биелэхгүй гэдгийг хэлмээр байна. 

---