Хүнс, хөдөө аж ахуй, хөнгөн үйлдвэрийн сайд Х.Болорчулуун Хэнтий аймгийн хамгийн олон хүн амтай сумдын нэг Батноровт ажиллаж, нутгийн иргэдтэй уулзалт хийжээ.

Уулзалтаар Засгийн газрын болон салбар яамны баримталж буй бодлого, чиглэл, хийж хэрэгжүүлж буй ажлын талаар танилцуулж, иргэдийн асуултад нээлттэй хариулав. 

2023 онд манай улсын махны экспорт түүхэн амжилт тогтоож өнгөрсөн онтой харьцуулахад 5 дахин өссөн. Гэвч энэ оны хувьд нийт газар нутгийн 80 гаруй хувьд зудын хүндрэл нүүрлэсэн нь олон малчдын амьдралд сөргөөр нөлөөлж байна.

Зудын хүндрэлээс үүдэн Засгийн газраас  малчдын асуудлыг шийдвэрлэхээр ажиллаж байна. "Шинэ хоршоо -Чинээлэг малчин" хөтөлбөрийг хэрэгжүүлэхэд ХХААХҮЯ-ны харъяа зээлийн батлан даалтын сантай хамтран малчдад 6 хувийн хүүтэй 3-5 жилийн хугацаатай зээл олгох юм.  Энэ нь малчдад барьцаа хөрөнгийн баталгааг 80-100 хувь гаргаж дэмжих хэлбэрээр хэрэгжинэ. Сайд Х.Болорчулуун үргэлжлүүлэн Хэнтий аймгийн Баян-Овоо суманд ажиллана. 

---