Өнгөрсөн долоо хоногт БГД-т байрлах 309 дүгээр цэцэрлэгийн багш хүүхдиийг хүлж зодож эрүүл мэндэд нь хохирол учруулсан асуудлаас болж нийгэмд нэлээд том цочрол үүссэн. Тус асуудлаар салбарын сайдаас зарим зүйлсийг тодрууллаа. 

БШУ-ны сайд Л.Энх-Амгалан:

-Хоёр жилийн хугацаанд Монгол Улсын Засгийн газраас цэцэрлэгийн хүртээмжийг нэмэгдүүлэх чиглэл өгч, сугалааны цэцэрлэгийг халахад 1200 орчим багш шинээр авсан. Ихэнх нь туслах багшаар бэлтгэгдсэн.

Туслах багш нар богино хугацаатай бэлтгэгдсэн учраас үүн дээр багшийн эзэмших хүүхэдтэй харьцах, хүүхдийн сэтгэл зүй гэх ур чадварыг дутуу эзэмшсэн гэх асуудал гарч байна.

Хоёрдугаарт, хоёр жилийн өмнө үүссэн тэр нөхцөл байдлаас болж бид нар нэлээн цочрол авсан. Тус цэцэрлэгийг камержуулах ажлыг зохион байгуулсан. Улсын хэмжээнд байгаа төрийн өмчийн 1000 орчим цэцэрлэгийн 70-80 хувийг нь бүрэн камержуулсан. Хүүхдийг зодсон багш эрүүгийн шинж чанартай гэмт хэрэг үйлдсэн учраас тэр хүүхдийн хохирол тооцогдох ёстой бөгөөд хууль хяналтын байгууллага шалгаж байгаа.

Хамгийн гол нь эцэг эх, асран хамгаалагч, төрийн бус байгууллага, багш сурган хүмүүжүүлэгч нарын хамтын ажиллагаа зайлшгүй чухал гэв.

---