Өнөөдөр өглөө Тайвань арлын зүүн эрэгт 7.4 магнитудын хүчтэй газар хөдлөлт болж, арал болон түүний хөрш орнуудад цунамигийн түгшүүр зарлажээ.

АНУ-ын Геологийн албаны мэдээлснээр газар хөдлөлтийн төв нь Тайваний Хуалиен хотоос өмнө зүгт 18 км 11 милийн зайтай байжээ.

Хятадын зүүн өмнөд Фужиан мужийн зарим хэсэгт газар хөдлөлт мэдрэгдсэн. Японд гурван метрийн цунамигийн давалгаа баруун өмнөд эргийн томоохон хэсэгт хүрч болзошгүйг эрх баригчид анхаарууллаа.

Энэ бол сүүлийн 25 жилд тохиолдож байгаагүй хамгийн хүчтэй газар хөдлөлт гэж мэдэгджээ. 1999 оны есдүгээр сард Тайваньд 7.6 баллын хүчтэй газар хөдлөлт болж, 2400 хүн амиа алдаж, 5000 барилга нурсан.

Өнөөдрийн байдлаар 07:58 цагт 15.5 км-ийн гүнд болсон бөгөөд дөрөв ба түүнээс дээш баллын хүчтэй газар хөдлөлт болж есөн удаагийн чичиргээ үүсжээ.

Эх сурвалж: BBC

---