“Аюулгүй байдлын төлөө үгээ хэлцгээе” уриатай Замын хөдөлгөөний аюулгүй байдлыг хангах дэлхий нийтийг хамарсан аяны хүрээнд НҮБ-ын ЕНБД-ын Замын хөдөлгөөний аюулгүй байдлын тусгай элч Жан Тодт болон Монгол Улсын Зам, тээврийн хөгжлийн яам, Тээврийн цагдаагийн алба хамтран мэдээлэл хийж байна.

ЗТХЯ-ны төрийн нарийн бичгийн дарга С.Батболд:

-Дэлхий нийтэд жилд замын хөдөлгөөний аюулгүй байдалтай холбоотой осол гэмтлийн улмаас 1.2 сая хүн нас бардаг гэх судалгаа байна. Дэлхий нийтээрээ хөдөлгөөний аюулгүй байдлын асуудалд хамтарч ажиллах санал санаачилгад манай улс ч нэгдэж байна.

НҮБ-ын ЕНБД-ын Замын хөдөлгөөний аюулгүй байдлын тусгай элч Жан Тодт:

-Монгол Улс нь “Аюулгүй байдлын төлөө үгээ хэлцгээе” уриатай Замын хөдөлгөөний аюулгүй байдлыг хангах дэлхий нийтийг хамарсан аянд нэгдэж байгаад баяртай байна. 1.2 сая гэх энэ тоог бид хоёр дахин бууруулах чиглэлд энэ аяны гол зорилго орших юм.

ДЭМБ-ын мэдээлснээр Монгол Улсад жилд 100 мянган хүн ам тутамд 12 хүн зам тээврийн ослоор нас барж байна. Энэ нь европын улсуудтай харьцуулахад хоёр дахин их тоо. Иймд тоог бууруулах чиглэлд энэхүү аян мөн нөлөөлөл үзүүлнэ гэж итгэж байна.

“Аюулгүй байдлын төлөө үгээ хэлцгээе” уриа нь зөвхөн мэдлэг өгөхөөс гадна илүү өргөн хүрээг хамарна гэдэгт итгэлтэй байна. Тухайлбал, дэд бүтэц, тээврийн хэрэгсэл, тоон мэдээлэл цуглуулах, цагдаагийн байгууллагын ажлыг сайжруулахаас гадна бид хүмүүсийн хандлага дадал зуршлыг өөрчлөх ёстой.

Төрийн албан хаагчийн үгийг хүлээн авдаггүй бол алдартнуудыг үгийг хүлээн авах байдал өөр байдаг юм. Дэлхийн 14 алдартан манай энэхүү аянд нэгдсэн.

Автозамын осол заавал гарах ёстой зүйл биш. Үүнээс урьдчилан сэргийлэх бүрэн боломжтой. Монгол Улсад хот суурин газарт суудлын автомашин, мотоциклийн хурдыг хязгаарлах тухай хууль тогтоомж, хүүхдийн хамгаалалтын бүсний талаарх хууль тогтоомж юм. Эдгээрийг хэрэгжүүлж чадвал нас баралтыг 60 хувиар бууруулах боломжтой.

Монгол Улсын замын цагдаагийн албаны мэдээллийг авч үзвэл таван жилийн хугацаанд хүүхэд осолдож гэмтсэн 4140 зам тээврийн осол бүртгэгдсэнээс 262 хүүхэд нас барж, 3879 хүүхэд бэртжээ. Үүний гол шалтгаан нь хамгаалах бүс зүүгээгүй, хурд хэтрүүлсэн, хараа хяналтгүй байснаас өртсөн байна. “Аюулгүй байдлын төлөө үгээ хэлцгээе” аян 80 орны 1000 хотод өрнөнө гэв. 

---