"Эрдэнэс Монгол" ХХК-ийн гүйцэтгэх захирал С.Наранцогтоос “Эрдэнэс Тавантолгой” ХК-ийн 2023 оны ногдол ашгийг иргэдэд хэзээнээс олгож эхлэх талаар тодрууллаа.

"Эрдэнэс Монгол" ХХК-ийн гүйцэтгэх захирал С.Наранцогт:

-"Эрдэнэс Тавантолгой" ХХК 2023 онд 3,2 их наяд төгрөгийн цэвэр ашигтай ажилласан. Компанийн санхүүгийн тайлан хянагдажь баталгаажих шатандаа явж байна. Баталгаажсаны дараа иргэдийн дансанд олгогдож эхэлнэ. 1072 хувьцаатай иргэнд 285 мянган төгрөг оногдож байгаа. Үүнээс ХАОАТ суутгагдаад 256 мянган төгрөг орно.

Энэ жил төрд байгаа иргэдийн мэдээллийг ашиглаж, хүүхдийн мөнгөний данс, иргэний хувийн дансаар олгоод дуусна. Харин 2025 оноос хувьцааны дансаар олгоно. Тэгэхээр энэ жилдээ багтаж, Үнэт цаасны компанид хандаж, хувьцааны данс нээлгэх шаардлагатай. Ирэх долоо хоногоос хэтрэхгүй ногдол ашиг тараана гэж бодож байна гэлээ.

---