Монголын Уулчдын Үндэсний Холбоо /МУҮХ/-ны спорт авиралтын баг тамирчид БНХАУ-ын Ванхианшан хотод зохиогдож буй спорт авиралтын олон улсын элит ангилалд оролцож, “Сутайн бор” клубын тамирчин О.Сайханжаргал, “Хязгааргүйд мац” клубын тамирчин спортын мастер Д.Энхбаатар,ОУХМ “Саммит” клубын тамирчин О.Ууганцэцэг нар хурд болон техникийн төрлүүдэд өрсөлдөж байна.   

 

Олон Улсын Спорт Авиралтын Холбоо /ОУСАХ/ буюу IFSC-ны энэ оны календарчилсан төлөвлөгөөний дагуу БНХАУ-д China Open, Ази тивийн залуучуучуудын аварга, дэлхийн цомын болон олон улсын элит ангилалын зэрэг нийт 12 тэмцээн зохион байгуулагдах юм.Энэ удаагийн тэмцээний дараа дахин таван тэмцээн зохиогдох аж.

Элит ангилалын тэмцээний онцлог
-МУҮХ болон БНХАУ-ын Уулын холбоо хоорондын хамтын ажиллагааны хүрээнд манай улсаас оролцох тодорхой тооны тамирчдын тэмцээнд оролцох бүх санхүүжилт /ирж очих унаа,тэмцээний үеэр байрлах тамирчдын байр, хоол болон тэмцээний хураамж/-ийг БНХАУ-ын засгийн газраас олгож буй.
-Манай улсад ойр, цуврал /3-4/-аар зохиогддог тэмцээн
-Олон улсын нэр хүндтэй тэмцээнд зүй ёсоор тооцогддог
-БНХАУ-ын “Нэг бүс,нэг зам” санаачилга болон Монгол улсын “Хөгжлийн зам” стратегийн уялдааг хангах, хоёр улсын эдийн засгийн хамтын ажиллагаа,боловсрол,соёл, шинжлэх ухаан, спорт зэрэг хүмүүнлэгийн салбарын хамтын ажиллагааг боловсронгуй болгох өргөн хүрээтэй хөтөлбөрийн нэгээхэн хэсэг гэж үзэж болох юм. ”Нэг бүс нэг зам” санаачлагын хүрээнд олон улсын эдийн засгийн хамтын ажиллагааны дараах 6 коридорыг байгуулах зорилготой аж.

 

-Шинэ Еврази ландбриж
-Хятад-Монгол-ОХУ
-Хятад-Төв Ази-Баруун Ази
-Хятад-Хятадын хойг
-Хятад-Пакистан
-Бангладеш-Хятад-Энэтхэг-Мьянмар зэрэг болно. Спорт авиралт нь манай улсын хүүхэд,залуучуудын ашиг сонирхолд бүрнээ нийцэхүйц төрөл мөн болохын хувьд хоёр орны спортын салбар дахь хамтын ажиллагааны хамгийн өндөр өгөөжтэй талбар байх бүрэн боломжтой юм.

---