Монгол улс 2018 оны эхний есөн сард 2,1 тэрбум ам.долларын 27 сая тн нүүрс экспортолсон тухай албаныхан мэдээлэв. Энэ нь өнгөрсөн оны эхний есөн сарын байдлаас 1,5 сая тн-оор нэмэгдсэн үзүүлэлт гэж Гаалийн Ерөнхий газраас мэдэгджээ. 

Хоёр жилийн өмнө Монгол 33,3 сая тн нүүрс эксортолж байжээ. Далайд гарцгүй, хоёрхон хөрштэй манай улсын экспортын гол бүтээгдэхүүн нь нүүрс. Тиймээс ч ирэх жилүүдэд нүүрсний экспортоо жилд 40 сая тн болгож нэмэгдүүлэхийг зорьж байна.

Харин дэлхийн хэмжээнд нүүрсний зах зээл өсч байна гэсэн судалгаа гарчээ. 2018-2022 он хүртэл нүүрсний борлуулалт хоёр хувиар өснө гэж Technavio уул уурхайн судалгааны компани нийтэлжээ. 

Мөн цаашид нүүрсний хэрэглээ, эрчим хүчний үүсгэвэр нэмэгдэнэ гэжээ. Гэсэн ч уул уурхайн хууль бус эзэмшил, Засгийн газрын эсэргүүцэлтэй нүүр тулах болно гэж таамаглаж байна. 

Умард Америк, Өмнөд Америк, Европ, Ази-Номхон далай, Ойрхи дорнод, Африкийн уул уурхайн салбаруудаас Ази-Номхон далайд илүү үр ашигтай жилүүд үргэлжилнэ. Учир нь хүн амын тоо, нүүрсний эрчим хүчний хэрэглээ өснө гэлээ. 

Уул уурхайн талбарт гол тоглогчид нь Arch Coal, Consol Energy, Cloud Peak Energy, Coal India, BHP Billiton, Rio Tinto, ShenHua, China Coal Energy, Peabody Energy нар байна гэнэ. 

Эх сурвалж: www.xinhuanet.com, www.mining.com 

 

---